Námskeið sem hjálpar þér að takast á við streitu í daglegu lífi og starfi.
Á námskeiðinu kortleggur þú streitu í þínu lífi, fræðist um þau áhrif sem hún hefur á okkur og lærir leiðir að bættri líðan.
Námskeiðið felst í röð fyrirlestra um streitu, einkenni hennar og ráð sem gagnast til að ráða niðurlögum streitunnar. Kennarar á námskeiðinu eru sálfræðingar Heilsuborgar sem hafa víðtæka reynslu af viðfangsefninu.
Streitueinkenni eru iðulega væg til að byrja með en hætta er á að einkenni fari versnandi ef ekkert er að gert og þá er hætta á örmögnun eða kulnun sem er alvarlegt ástand sem skerðir daglegt líf, störf og lífsgæði verulega.